طريقة اعداد الكويكز

السلام عليكم

شوفو يا حبايبي حطو زبدة مع كاستين دقيق مع نص كاسة سكر او اقل ويكون مستحسن على قولة ماما لا يرتفع عندكم السكر لا قدر الله .. وكمان حطو بيضتين معاه مع ملعقة باكينج بودر وملعقة فانيلا وشوكلاتة بودرة حسب الرغبة
وبس اقعدوو اعجنوو ساااعة الين تتقوى عضلاتكم وتصير العجينة متماسكة وبعدين سيبوها شوية (ما ادري ايش الحكمة) بس المهم غطوها وسيبوها شوية .. وبعدين افردو واعجنو وباستخدام قوالب التقطيع اللي فيها أشكال زي النجمة والدائرة والقلب سوو الأشكال اللي تبغوها

وبعدين لما تدخلوها الفرن .. خليكم جنبوووو لا تروحو بعيييد عشان لا ينحرق .. واول ما احد في البيت يقول ايش دي الريحة على طوووول طلعوه من الفرن يكون الحمد لله خلص عموما هو ما يقعد اكثر من ربع الى ثلث ساعة .. اكثر من كدا يصير بسكوت مقرمش من فوق متشمس من تحت .. وبالهنا والشفا




وبعدين مع الكابتشينوو ياااسلااااااام يضرب الحلى

ما قصرتي

يسلمو

ششوكرآً

مره ثانيه يسلمو